كشف الناقد الفني طارق الشناوي، اليوم السبت، عن تفاصيل العلاقة بينه وبين الفنان الكبير عادل إمام، وعن مدى تقبل الزعيم للنقد اللاذع.
وسرد الشناوي، في تصريحات تلفزيونية له، السبت، تفاصيل مكالمة هاتفية جمعت بينه وبين الزعيم قائلا: "أتذكر مرة وأنا راجع من مهرجان فينسيا، لاقيت مكالمة من عادل إمام، وهو بالمناسبة الكلام اللي هقوله عادل إمام بنفسه قاله في أحد البرامج، طبعًا عادل صوته مميز، برفع السماعة لاقيته بيقولي فينك يا طارق أنا قلقان عليك؛ عشان بقالك مدة مابتشتمنيش، وده كان على سبيل الدعابة".
وواصل الناقد الفني الكبير تصريحاته قائلاً: «احنا مابنقولش كلمة نقد.. أغلب الفنانين لما بنقوله رأي سلبي بيقولك ده شتمني، مابيقولش نقد، وقولت للزعيم ماتقلقش أنا لسه راجع من فينسيا وهعود اللي فات كله، وضحكنا».
وتابع : «عادل زي أي حد في الدنيا، زيي أنا شخصيًا أحب يكون في كلام ايجابي فلما بيكون كلام سلبي ممكن يتضايق شوية، وإلى أي مدى ممكن تتقبل النقد، عادل كان حبة كدة وحبة كدة».
و في نهاية تصريحاته، أكدالشناوي، على أن عادل إمام شخص ودود، مشيرًا إلى أنه لا يحتاج لشهادته؛ لأنه أصبح ضمن تاريخ الفنانين العرب، «الضحكة العربية الأولى كانت ولا تزال هي عادل إمام»، العالم العربي توحد على صوت أم كلثوم، وعلى ضحكة عادل إمام.